etxeko-lanak era nafarroa
Eskolan

Etxerako lanak

Lan egiteko ohitura eta eskolaren eta familiaren komunikazio ona: proba arrakastaz gainditzeko gakoak.

Hainbat gurasorentzat buruhaustea dira etxerako lanak. Ez alferrik, eztabaida sakona piztu da eskolak bidali beharreko etxerako lanei buruz, baita adin bakoitzean egin beharrekoaren tamainari buruz ere.

Edozein modutan, komeni da hezkuntza arloko profesionalek (irakasleek, pedagogoek) behin eta berriro azpimarratutako hainbat puntu nabarmentzea:

  • Ikasketa prozesua mailakakoa da eta aldaketek denbora eskatzen dute. Helduen lana da gune egokia lortzea seme-alabek etxerako lanak egin ditzaten, leku atsegina eta arreta galtzeko estimulurik gabea eta, batez ere, seme-alabek etxerako lanak egiteko ohitura hartzen laguntzea. Logikoa da etxerako lanak hasten diren garaian haurrek jolastea nahiago izatea, baina, poliki, ohitura lortzen badute dena izanen da errazagoa. Beraz, helduen zeregina ez da ariketak haurrekin egitea, ikasteko ohitura lor dezaten laguntzea baizik.
  • Garrantzitsua da gurasoen eta irakasleen arteko komunikazio ona. Tutore bakoitzak azalduko ditu etxerako lanak egiteko arauak. Edonola ere, zerbait egin gabe geratzen bada, gertatutakoa azaltzeko irakasleari idatzitako oharrak gehiago lagunduko du ikasketa prozesuaren gabeziak gainditzen, “aparteko” laguntzaz egindako ariketak baino.
  • Ikasleek beraiek soluziobideak aurkitzen ikastea. Gurasoen lana izanen da seme-alabak entzutea eta aurkitutako zailtasunari beste bide posible batzuetatik aurre egiteko aholkua ematea.

Etxerako lanetan ez ezik, ikasketa prozesu osoan ere garrantzitsua da seme-alaben ahalegina baloratzea eta motibazioa elikatzea eta, hizkuntzaren kasuan, euskara nagusia izan dadin une ludiko eta goxoetan ere, ez soilik ikasteko garaian.

Pribatutasun lehentasunen gunea

Beharrezko cookie-ak | Cookies imprescindibles

Ez dira IPak hartuko Analytics zerbitzuarentzat; horrela zure bisita pribatua izango da.

gdpr

Kanpo cookie-ak | Cookies externas

Beste batzuen cookie-ak erabiltzen ditugu zure nabigazioa ezagutzeko, buletinean harpidetuta bazaude edo sare sozialen bidez partekatutako elementuetan.

_ga, _gat, _gid
_ga, _gid, _gat