Niña sentada sobre una maleta
BALIABIDEAKKANPOAN

Oporretan zoaz? Nola biziraun auto- edo tren-bidaian

Uda hemen da eta haurrek oporraldia dute eskolan. Hori dela eta, familia askok garai hau baliatzen dute kanpora joateko eta, sarritan, auto edo tren bidaia horiek luze-luze jotzen dute. Han dira Salou, Conil, Landak, Girona… Beraz, denbora hori arintzeko, zergatik ez probestu haurrekin jolasteko?

Izan ere, nork ez du buruan txikitako garaiko bidaiok? Garbiketa-tunelean auto barnean egotea, gidari izatera jolastea, igarkizunetan aritzea…Bada, une kuttun horiek berreskuratu eta seme-alabekin berriz bizi daitezke eta bidean “asko falta daaa?” batzuk sikiera aurreztu.

Guraso.eus webgunean dozena bat proposamen bildu dituzte, “Oporretako jolas gomendioak“ artikuluan.  Horietako batzuk segidan datorren zerrendan daude:

Ikusi makusi. Jolasik ezagunenetakoa, “Ikusi makusi zer ikusi, ikusten, ikusten, ikusteeeen…“ abestuz (entzun jolasaren audioa Urtxintxa.eus-en), eta behin formula esanda autotik ikusten den zerbaiten lehen silaba esan behar da pista gisara. Ondoren  bidaideek asmatu beharko dute zein hitz den.

Harri, orri, arEskuekin aritzeko jolasa. Harriak artazia txikitzen du, artaziak papera mozten du eta paperak harria biltzen du.

Hitz kateatuak. Hitz batekin hasi eta hortik aurrera bi aukera daude. Txandaka, ondokoak esan duen hitzaren azken hizkia erabili behar da hitz berri bat botatzeko. Beste aukera bat, zailagoa, hitzaren azken silaba erabiltzea: Etxe, txeke, kemen…

Nahi dut… Bidaide batek jolasari ekinen dio “Nahi dut … ” esanez eta pentsatu duena erantsiz. Bigarrenak lehenak esandakoari beste zerbait gehituko dio aurrekoarena ere errepikatuz eta honela kateatzen jarraituko dute, norbaitek kale egin arte. Adibidez, laugarren jokalariak, bere desioa botako du aurreko guztiena errepikatu ondoren: “Nahi dut lo egin, Kakuetara joan, pizza bat jan eta elefante arrosa bat ikusi!”

Gehiago ikasteko gogoz geratu denak uda honetan badu nahikoa aukera Hik Hasi-k argitaratutako “Zatoz Jolastera”  eta “Jolasen Altxorra” bideoetan.

Bidaideren batek euskaraz ez badaki ere parte har dezake jolasean, inongo aitzakiarik gabe. Izan ere, artikulu honen gaztelaniazko bertsioan badira zenbait gomendio: “¿Te vas de vacaciones? Como sobrevivir al viaje en coche/tren

Uda on!