Bertso Saioa: “Bertso jasa, bat-bateko jolasa”

Noiz: 2022/02/19; 11:00
Non: Iruña. Txantreako Salestarrak.
Adina: 8-12 urte
Bertsolariak: Bittori Elizalde eta Josu Sanjurjo
Izen-ematea: nafarroa@bertsozale.eus

“Bertso Jasa, bat-bateko Jolasa” haur eta gaztetxoez osatutako publikoari zuzendutako bertso-saioak dira.
Publikoaren parte hartzea behar beharrezkoa izanen da. Gai-jartzailerik egongo ez denez publikotik ateratako boluntarioen ideietatik sortuko dira gaiak momentuan.
Bi bertsolarik hartuko dute parte saio hauetan, eta haien zeregina saio egituratu baten bidez haurren interesa piztu eta saio dinamiko bat egitea da. Haurren zeregina berriz, bertsolarien mingainak dantzan jartzeko egoerak eta hitzak elikatzea.