Erakusketa: “Etxepare haurentzako album ilustratuak”
Non: Lesaka. Liburutegi Publikoa (Harriondoa Kultur Etxea)
Antolatzailea: Bortzirietako Euskara Mankomunitatea
Azken urteotan Nafarroako hainbat toki entitatetako euskara zerbitzuek, tartean Bortzirietako Euskara Mankomunitateak, Etxepare sariketa antolatu izan dute, haurrentzako album ilustratuen sormena bultzatzeko helburuarekin. Duela bi urte, saritutako albumekin erakusketa bat antolatu zuten euskara zerbitzuek, eta Lesakan egonen da ikusgai, apirilaren 25etik maiatzaren 6ra, 14:00-20:00 bitartean. Erakusketaz gainera bi jarduera osagarri antolatu dira, haur zein gurasoei zuzenduak:
Solasaldia
Erakusketaren irekiera ekitaldi modura, apirilaren 25ean hitzaldi bat izanen da, “Nola erakarri haurrak euskaraz irakurtzera?” izenburupean. Galtzagorri Elkarteko Intza Alkain izanen da hizlaria. Guraso, irakasle zein gai honetan interesa izaten ahal duen edozeini irekia da. Hitzaldia euskaraz izanen da.
Dorotea tailerra
Erakusketari akabaila emateko, maiatzaren 6an “Dorotea ipuin kontaketa eta collage tailerra” izanen da, Amaia Egidazuren eskutik. Hain zuzen ere, Egidazuk irabazi zuen Etxepare Sariketa 2021 urtean, Dorotea album ilustratuarekin.
Tailer hau 6-10 urte bitarteko haurrei zuzendua da, eta gehienez ere 20 haurrek parte hartu ahalko dute; aitzinetik liburutegian izena eman behar da. Orduari dagokionez, 17:30-19:00 bitartean eginen da.
ERA