Ipuin-kontaketa: “Elefante txori-bihotza”
Aretoetara eta liburutegietara joaterik ez daukagun bitartean, era.eus-ek hainbat proposamen hurbilduko dizkizu etxera: ipuinak, kantak, antzerkia, marrazki bizidunak, jolasak…
Mariasun Landak idatzitako ipuin gogoangarrien zerrenda luzetik Ixabel Agirresarobek “Elefante txori-bihotza” aukeratu eta Ipupomamua telebista saioan kontatu zuen:
«Interes kulturalak dituen elefante talde batek maistra dinamiko eta abenturazale baten beharra du. Etxebizitza oihan afrikar batean. Dieta begetarianoa. Soldata: Ehun tona banana.» Maistra batek iragarki hori irakurri eta lana eskatzen du. Han, oihanean, ohartuko da elefante guztiak ez direla berdinak: nolako bihotza, halako elefantea. Hor dago koska.
Saioko ipuin gehiago: Ipupomamua
ERA