Irakurketa kanpaina

Noiz: 2021/03/15etik 2021/05/31ra
Non: Lizarraldea. Lizarrako liburutegi eta liburu-dendetan

Garean elkarteak euskarazko irakurketa kanpaina abiatu du, IGBO: Irakurri, Gozatu, Bertan Erosi eta Oparitu. Interesaturik zaude? Zu zeu edo zure zure seme-alaba, iloba edo bilobekin irakurri, gozatu eta gozarazi. Jarraibideak oso errazak dira eta abantailak ugari:

1. Hartu euskarazko liburu bat Lizarrako liburutegitik, eraman etxera eta irakurriz gozatu.
2. Amaitutakoan itzuli, irakurketa-fitxa bete eta zure erosketa-txartela jaso liburutegian.
3. Erosketa-txartela erabiliz, %25 merkeago liburu bat Lizarran bertan erosi eta honela tokiko ekonomia bultzatu.
4. Erositako liburua oparitu: senide, lagun, lankideren bati… edo zeure buruari, merezi duzu eta!

Eta gainera… hileko parte hartzaileen artean 30 €ko erosketa-txekea zozketatuko da!