Korrika Txikia
Non: Taxoare
Korrika hasi baino asteburu bat lehenago, Irulegi Euskara Taldeak beti antolatzen du Taxoareko Korrika Txikia KORRIKAren kilometro bat erosteko. Parte hartzeko interesa duten entitate eta kolektiboen ekarpenak jasoko dira.
Parte hartu nahi duten entitate eta taldeek egoki deritzoten ekarpen ekonomikoa egin beharko dute eta lekukoa eramateko tarte bat gordeko zaie Ibarreko Korrika Txikian. Erreserbak otsailaren 28ra arte irulegieuskarataldea@gmail.com helbidean edo 611 80 48 15 telefonora deituz.
Korrika Txikiaren ondoren, Irulegi Euskara Elkarteak pintxo-pote bat eskainiko du Korrikarako dirua ateratzeko. Ondoren, otordu autogestionatua egingo da Taxoareko frontoian. Udalak guztientzako mahaiak eta aulkiak jarriko ditu. Beraz, bazkarirako plazak erreserbatzeko, mahaikide bakoitzeko 1 €-ko tiket bat erosi beharko da (Euskara Zerbitzuan, Kultur Etxean edo Aranetxean) martxoaren 4a baino lehen.
Jaia amaitzeko, euskarazko gynkana bat izango da. Haur Hezkuntzako 3. mailatik Lehen Hezkuntzako 6. mailara bitarteko haurrek parte hartu ahal izango dute. Izen-emateak martxoaren 1era arte izango dira www.aranguren.es/korrika helbidean
ERA, Korrika txikia