hainbat neska zirku ariketak egiten
Kanpoan

Euskarazko udalekuak: aisialdian ongi pasatzeko aukera ezin hobea

Laster iritsiko dira udako oporrak eta hilabete horietan planak egiteko garaia da. Uda, sasoi aproposa da, gainera, kalean jostatzeko eta aisialdiaz gozatzeko, antolatutako jarduera eskaintza zabala baitago. Aukeratzerakoan kontuan hartu behar da umeek udan 9 aste inguru pasatzen dituztela eskolatik kanpo, eta askok euskararekin kontaktu gutxiago izanen dutela, alegia, opor garaian hainbat familiek aukera gutxiago edo batere ez dutela euskaraz aritzeko. Kasu horietan komeni da, bereziki, haur eta gaztetxoei euskarazko jarduerak eskaintzea etxe barruan nahiz kanpoan, berebiziko garrantzia duelako aisialdian ere euskararen presentziak. Horrela, lagunartean ongi pasatzeaz gain, hizkuntza bizipen eta oroitzapen atseginekin lotuko dute.

Euskarazko udalekuek horretarako aukera paregabea eskaintzen dute. Bereziki, neska-mutikoentzat pentsatutako jarduerak dira, lagun berriak egiten dituzte bertan, eta oharkabean, hizkuntza ohiturak sortu eta finkatzen dituzte. Modu guztietara, ume horiek jarduera atseginekin lotzen dute euskara, eta bide batez, erregistro informala bereganatzen dute, hau da, adinkideen arteko hizkera.

Denbora librea ezinbesteko da haurrentzat, eta gero eta garrantzia handiagoa ematen zaio. Hori dela eta jardueren eskaintza zabala da gaur egun, baita euskaraz ere. Udalekuen kasuan, esaterako, baserri-eskola, multiabentura, ur-ekintzak, bertso udalekuak eta beste hainbat eskaintza dago.
Informazio guztia eskura jarri dute Nafarroako hainbat toki entitatetako Euskara Zerbitzuek, honako bi foiletoetan: LHko ikasleentzat eta DBHko ikasleentzat.

 

 

 

 

 

 

Udalekuak antolatzen dituzten enpresak zerrenda honetan daude:

Baratze Baserri Eskola www.baratze.com
Baztan Bidasoa Turismoa www.euskarazblaiudalekuak.com
Bertsozale Elkartea www.bertsozale.eus
BKZ www.navarraaventura.com
DINDAIA www.dindaia.eus
Euskal Udalekuak www.udalekuak.eus
Ikastolen Elkartea www.aisialdia.eus
Irrisarri Land www.irrisarriland.es/
Sastarrain www.sastarrain.com
Txatxilipurdi Elkartea www.txatxilipurdi.com
Txiribuelta Elkartea www.txiribuelta.org
Urtxintxa www.urtxintxa.eus
AEK www.aek.eus

Orain aukeratzea besterik ez da falta.

Hainbat EUSKARA ZERBITZUK diru-laguntza ematen dute udaleku hauetarako, galdetu zurean.