ARG.: Flicker/V.Guinea
KANPOAN

Udaberriko planak: mendia

Aste Santua hemen da, opor egun batzuk beraz, eta hasteko eguraldi txukuna. Nafarroan barrena hamaika plan egin daiteke eskaintza ez baita txikia, baina oraingoan hauxe da gure proposamena: Peru-Harri!

Museo bat dela diote, baina tira… ez edonolako museoa. Bertan, haurrek Perurenaren ahotik entzunen dituzte harri-jasotzaileen inguruko hainbat eta hainbat istorio eta zur eta lur geldituko dira 8 metroko eskulturen oinetan gora begira. Leitzan, larre baten erdian, ardiz ingurutaturik, mendi betean…  Plan bikaina, ezta?

Zergatik, beraz, Peru-Harrira? 

  • Mendian gozatzeko, etxetik kanpo, udaberriko giroaz. 
  • Museo bat delako, baina atari zabalean.
  • Haurrak liluraturik geldituko direlako kanpoaldeko harri eta eskultura erraldoiekin.
  • Baserri baten barrenak ezagutzeko.
  • Bisitako gidariak perurenatarrak direlako. Harri-jasotzaile ospetsuagorik ez dago.  
  • Eta, batez ere, bisita euskaraz egin daitekeelako. Gogoratu, haurrek euskaraz hitz egin dezaten, ideia bikaina dela plan politak euskaraz egitea, are gehiago familian bada, hizkuntza-ohituretan asko lagundu baitezake. 

 

Bisitaldiaren ibilbidea labur, espoilerrik gabe

Baserria goitik behera: 

  • Etxea ikusteko aukera.
  • Harri-jasotzaileen egunerokoa: harriak, harriak altxatzeko poleak, katapulta bat…
  • Perurena familiaren argazkiak, harriak jasotzeko erabilitako jantziak…

Kanpoaldean:

  • Basoan barrena paseo bat.
  • Eskultura erraldoiak.
  • Monumentu megalitikoak.
  • Kobazulo bat, garai batean jentilen bizitoki izandakoa.
  • Gisu-labe bat.
  • Koloretako harriak.

 

Oinarrizko informazioa 

  • Bisitaren hizkuntza: euskara eta gaztelania.
  • Prezioa: 4€ helduek eta  3€ haurrek.
  • Iraupena: 2 ordu inguru.
  • Ordutegia: larunbat eta igandeetan (erreserba ezinbestekoa).
  • Telefonoa: 659 70 10 45
  • Helbidea: Gorritienea baserria. Leitzatik 2 kilometrora dago, NA-1700 errepidetik joanez gero, Uitzirako norabidean.

 

Eguna/plana luzatu nahi?

  • Ibilbideak: Leitzako ingurua eta paisaia zoragarriez gozatzeko ibilbide ugari daude. Oinez, lasterka, bizikletaz, zaldiz…modu askotara goza daitezke gainera!
  • Plazaolako bide berdean: Lekunberrin “Jokoen bagoia” bisitatu, haurrentzat prestatutako tren-bagoia.

CC BY-SA 4.0

Pribatutasun lehentasunen gunea

Beharrezko cookie-ak | Cookies imprescindibles

Ez dira IPak hartuko Analytics zerbitzuarentzat; horrela zure bisita pribatua izango da.

gdpr

Kanpo cookie-ak | Cookies externas

Beste batzuen cookie-ak erabiltzen ditugu zure nabigazioa ezagutzeko, buletinean harpidetuta bazaude edo sare sozialen bidez partekatutako elementuetan.

_ga, _gat, _gid
_ga, _gid, _gat