Urteko oporraldirik luzeena hemen da. Oporrak! Haur eta gaztetxoek azkeneko eskola egunak dituzte eta liburuak eta eskolako lanak alde batera utzita gozatzeko irrikan daude. Jai egun asko dituzte aurretik eta hainbat asmo ere bai: lagunekin errekan jostatu, kalean berandu arte egon eta elkarrekin bokata bat afaldu, hondartzara egun pasa joan, herriko festak, igerilekua… Oporrak ongi pasatzeko dira, zertarako bestela?
Udaleku batera joatea ere esperientzia polita da haurrentzat, errutinatik ateratzen direlako eta ohikoa ez den giro batean lagun berriekin bestelako bizipenak partekatzen dituztelako. Bertan meran pasatzen dute, zalantzarik gabe. Eta udalekuez gain, hiri-kanpaldiek, jolas-tailerrek eta ludotekek ere herrian bertan eta lagunartean jostatzeko eta disfrutatzeko aukera paregabea eskaintzen dute. Goizeko ordutegia izan ohi dute eta, horri esker, egun berean plan ezberdinak egiteko aukera ematen dute. Gainera, gurasoei mesede handia egiten diete, kontziliazioan laguntzen dutelako. Onurarik handiena, nolanahi ere, haurrek jasotzen dute hainbat gaitasun garatu eta indartzen dituztelako: autonomia, sormena, enpatia, auto-estimua eta talde lana, besteak beste.
Jarduera hauek euskaraz egiteko aukera izanda, haurrak edonon bizi direla, ingurune euskaldun zein erdaldunagoetan, denentzat dira aproposak hizkuntzaren garapenari begira. Eskola ez den beste eremu batean izanik, naturaltasuna eta erraztasuna bereganatzen dute, eta hizkuntzarekiko lotura afektiboa lantzen da. Oro har, euskara aisialdian txertatzen da. Hortaz, euskara etxean jaso duten haurrek, baita eskolaren bidez jaso dutenek ere, komunikaziorako trebetasuna eskuratu edo hobetuko dute gozamenerako jolas eta dinamiken bidez.
Nafarroako hainbat herri eta eskualdetan antolatuko dira jarduera horiek aurtengo udan. Jarraian zehaztuta daukazue une honetan dagoen eskaintza. Informazio gehiago jaso ahala hemen izanen duzue guztia eguneratuta.
HERRIA | JARDUERA | KONTAKTUA |
Altsasu | Euskaraz Blai | Altsasuko Udala: www.altsasu.net |
Aranguren | Udaleku irekiak | 948151382 msanpedro@aranguren.es |
Araitz | Udako tailerrak | Euskara Zerbitzua: 948504400 larbeleareuskaraz@iparmank.eus |
Arakil | Udako kanpusa | Arakilgo Udala: arakilkultura@gmail.com |
Arbizu | Udan euskaraz | Arbizuko Udala: www.arbizu.eus |
Bakaiku | Udaleku irekiak | Bakaikuko Udala: www.bakaiku.eus |
Baztan | Udako Jostaldia | Baztango Udala: baztan.euskara@gmail.com |
Bera | Sormen tailerrak | Maddi Irazoki: 680984124 |
Berriobeiti | Hiri- kanpaldiak | Infolocal: 948012012 948303129 |
Berriozar | Hiri- Udalekuak | Berriozarko Udala: 948012012 www.berriozar.es |
Bortziriak | Udaleku irekiak | Euskara zerbitzua: 948634125 / 680650650 euskara@bortziriak.eus |
Eguesibar: Egulbati | Egulbatiko Hiri-kanpaldiak | Udaleko Kultura zerbitzua: cultura@egues.es |
Estellerria | Udan Blai Euskaraz zikloa | 622154523 euskara.irantzu@gmail.com |
Esteribar: Zubiri eta Eugi | Udako kanpaldiak | Gargarintxo Ludoteka: gargarintxoludoteka@gmail.com |
Etxarri Aranatz | Udan Etxarrin euskias | Aisialdi Taldea: 659494908 udanetxarrineuskias@gmail.com |
Irurtzun | Udan euskaraz | Aizpea Euskara Taldea: aizpeataldea@yahoo.es |
Lakuntza | Udan euskaraz | Lakuntzako Udala: www.lakuntza.eus |
Larraun | Udako tailerrak eta kirol udalekua | Plazaola Kirolgunea: 948507377 plazaolakirolgunea@gmail.com |
Leitza | Haur txokoa eta tailerrak | Euskara Zerbitzua: 948510814 laga@iparmank.eus |
Olazti | Udan euskaraz | Olaztiko Udala: www.olazti.com |
Sarriguren | Ekaineko Hiri-tailerrak | Euskara Zerbitzua: euskera@egues.es |
Sarriguren | Iraileko Hiri-tailerrak | Euskara Zerbitzua: euskera@egues.es |
Uharte | Udako hiri-kanpaldiak | Uharteko Udala: 948012012 www.huarte.es |
Urdiain | Udaleku irekiak | Urdiaingo Udala: 948562993 |
Ziordia | Udaleku irekiak | Ziordiako Udala: 948562446 |
Zizur Nagusia | Tartalo ludoteka | igualdad.berdintasuna@zizurnagusia.eus 948181900 |
CC BY-SA 4.0