Zoriontasuna eta ongizatea, horixe da gurasoek seme-alabentzat nahi dutena. Eta helburu hori gogoan dutela aldiro ari dira erabakiak hartzen, izan elikaduraren inguruan, edo osasunarenean, nola lotarako errutinen inguruan… beti dabiltza hautu egokienaren bila. Bada, horiekin bezala gertatzen da hizkuntzarekin ere, sarri hartu behar izaten baitira euskarari lotutako erabakiak, eta ERA Eskola, gurasoentzako trebakuntza online, horretan lagungarri izan nahi du.
Eta batzuetan erabakiak hartzea ez da nahi bezain erraza. Informazioa falta zaigula iruditzen zaigu, gai guztietan jantzita egotea ezinezkoa dela, ondokoari entzun arte gai horretan inoiz ez dugula pentsatu… Horri begira, hain zuzen ere, eta inor ez denez ikasia jaio, ERA Eskola sortu zen 2020an: gurasoentzako trebakuntza online.
Aurtengo edizioan Saioa Alkaiza, Iñaki Eizmendi, Maialen Cuevas eta Aritz Olagoi hizlariak ditugu, eta saio guztiak ERA.eus-en YouTube kanalean ikusgai daude. Baita podcast formatuan ere.
Edizio guztiak ERAko Baliabideen atalean
ERA Eskolaren lau edizioak Baliabideen atalean dituzue eskura, Gurasoentzako Aholkuak azpiatalean.
2025eko hizlariak, gaiak eta saioetara loturak:
- Saioa Alkaiza Guallar, bertsolaria eta Nafarroako Bertsozale Elkarteko langilea da eta honi buruz ariko da: “Bertsolaritza: Zertarako eraman haurrak bertso eskolara? Hizkuntzarekin jolasean ahozkotasuna landu.”
- Iñaki Eizmendi Arsuaga, gizarte hezitzailea eta EBETE hizkuntza-zerbitzuak kooperatibako kidea da eta landu duen gaia: “Euskararen opor-kutxa. Elikatu euskararekiko harremana baita oporretan ere”
- Aritz Olagoi Olazabal, kirol psikologoa eta Kirolean Euskara eta Aholkularitza kooperatibako kidea da eta honakoa bere hizketagaia: “Nola uztartu euskara eta kirola? Euskararen sustapena kirolaren bidez: baliabideak, estrategiak eta gurasoen papera”
ERA Eskolak 2025, youtube kanalean eta spotify-n
