Haur Eskolak (0-3urte)

Haur Eskolak (0-3 urte)

Haur Eskolan hastean, haurrari ordura arteko mundu txikia zabaltzen zaio: familiakoak ez diren helduak ezagutzen ditu, hezitzaileak, baita adinkide asko ere. Oro har, ingurunea ezagutzeko aukerak biderkatzen zaizkio. Nafarroako herri askotan familiek euskarazko lerroa aukeratu dezakete 0-3 zikloan.

3-16 urtekoen hezkuntza

Derrigorrezko Hezkuntza

Derrigorrezko Hezkuntzako etapaz etapa, konturatu orduko, atzean geratuko dira haurtzaroa eta nerabezaroa. Urte horietan gaitasun linguistiko nagusiak garatzen direnez, garrantzitsua da murgiltze linguistikoa oinarri duten ikastetxeak aukeratzea. Hemen ikastola eta D ereduko ikastetxe publikoen bilatzailea.

Lanbide Heziketa eta Batxilergoa

Lanbide Heziketa eta Batxilergoa

Lanbide Heziketan eta Batxilergoan gazteek gaitasun teknikoak eskuratzen dituzte. Euskarazko ikasketak egitean, etorkizuneko lanbidean euskara erabiltzeko bidea prestatzen dute. Batxilergoa euskaraz eskaintzen duten zentroen bilatzailea eta Lanbide Heziketako euskarazko zikloen Zerrenda

Unibertsitatea

Unibertsitatea

Hainbat dira unibertsitate mailako ikasketak euskaraz egiteko aukerak. Komeni da ongi aztertzea unibertsitate bakoitzak eskaintzen duen ibilbide akademikoa eta baloratzea formazio teknikoa euskaraz jasotzeak ikasleari lan merkatuan ekarriko dion abantaila. Hemen unibertsitateen euskarazko eskaintza.


Musika Eskolak

Musika Eskolak

Musika Eskolen jarduera ikasketen eta aisialdiaren arteko eremuan kokatzen da. Musika ikastea gozamena da eta sormena elikatzen du, baina eskolaz kanpoko ohiko jarduera bat baino gehiago da, eskatzen duen denbora eta ardurarengatik. Esparru bikaina da haurrek lagunekin eta sormen giroan euskara erabil dezaten. Hemen euskarazko eskaintza duten Nafarroako musika eskolen zerrenda.

Hizkuntza tituluak

Hizkuntza Tituluak

Aspaldi ezarri zen Europako Erreferentzia Marko Bateratua, hizkuntzen ikaste-prozesuan mailaz mailako titulazioak bateratzeko. Euskara ikasteko titulurik ez dela behar egia izanik ere, askorentzat interesgarria izan daiteke institutuan ikasitakoaz baliatu eta titulu ofizialak eskuratzeko bidea jorratzea.

 

Akademiak

Akademiak

Ikaste prozesuan pertsona bakoitzak baditu bere erritmoa eta ezaugarri propioak. Horregatik eskolak ahalegina egiten du haur bakoitzaren egoerara egokitzeko. Hala ere, batzuetan, familiek eskolaz kanpoko laguntzaren beharra ikusten dute. Hemen euskaraz ikasten duten haurrei laguntza eskaintzen dieten hainbat zerbitzuren zerrenda.