«Eureka!» greziera klasikotik datorren hitza da, «Aurkitu dut» edo «Deskubritu dut» esan nahi du eta gaur egun zirrara edo emozioa adierazteko erabiltzen da. Izan ere, zerbait kostata ulertu dugunean, aurkikuntza bat egin dugunean edo zerbait asmatu dugunean horixe bera sentitzen dugu: zirrara eta emozioa!
Bada, gaurko artikuluak proposamen hori dakar: egin seme-alabekin zientzia esperimentu bat eta konbinatu esperimentatzearen zirrara, jakitearen emozioa, elkarrekin aritzearen poza eta euskara. Hortik onura baino ez da etorriko. Onura harremanean, onura jakintzarekiko jarreran, onura euskararekiko atxikimenduan. «Eureka! aurkitu dugu, maitia!»
Zientziara hurbiltzeko modu bat da hari loturiko istorioak kontatzea edo irakurtzea. Adibidez, “Eureka!” hitzaren jatorria azaltzea. Wikipedian ederki laburtuta dago, eta edozein momentutan kontatzeko moduko istorio labur eta erakargarria da haurrentzat. Elhuyarren, berriz, zientzialariei loturiko 100 istorio edo narrazio eta ilustrazio daude, kontatuak izateko prest. Edo gauera arte itxaron dezakezue, zeruari begira jarri, izarrei, konstelazioei, ilargiari… eta orduan kontatu. Hain zuzen ere, ERA.eus-en udako zeruari begiratu genion artikulu honetan.
Beste era bat, nola ez, etxean elkarrekin esperimentuak egitea da. Interneten esperimentuak euskaraz egiteko hamaika bideo eta testu daude, baita bestelako produktuak ere, adibidez «Zientzia esperimentuak etxean!», 12 esperimentu egiteko behar diren azalpenak eta materialak kutxa batean.. Hemen duzue, hasteko, hiruko hautaketa bat. Bideoak ikusi, esperimentua elkarrekin egin, eta kontatu diezaiotela gero amari, aitari, izebari edo osabari egindako balentria eta deskubritutakoa! Eureka!!
Sleeptak: “Zientzia erraza eta esperimentuak umeentzat”
MariKalanbreren zientzia esperimentuak
3 Kluba – Ene Kantak: “Zuk zeuk egin” zerrendan “eskulanak” eta “esperimentuak”.
https://www.youtube.com/playlist?list=PLXuwe1lR6xksHHRQ5387bsthWS9VGUo8j
CC BY-SA 4.0
