ARG: © ERA
neskatoa koloretako bola igerilekuan
ETXEAN

Dekalogoa: 10 aholku euskaraz hazteko

Zenbat gairen inguruko dekalogoak ezagutzen ditugu? Osasuna, elikadura, ingurumena, … Interneten ohikoak dira horrelakoak, baita gomendio sorta, iritziak, edo egitekoen zerrendak ere. Horien guztien ondoan, zergatik ez haurrak euskaraz hazteko dekalogoa? Hona hemen:

ARG: © ERA

Etxean…

1. Erabili hizkuntza jolasteko eta jolasa hizkuntza barneratzeko: aho korapiloak, jostailuak, onomatopeiak, haurren hizkera … Dena izan daiteke jolas, gozatu!

2. Baliatu euskarazko kantuak etxeko edozein egoera festa bihurtzeko. Estresaren kontra, seme-alabekin dantza egin eta ozenki abestu! ERAn abesti zerrenda asko topatuko dituzu adinka sailkatuta; etxeko kontuetarako, jolasteko, urtebetetze eta sehaska kantuak… Eta irrikaz bazaude, ez itxaron eta haurdunaldian bertan hasi!

3. Aukeratu marrazki bizidunak euskaraz. Telebistaren aurrean pasatutako orduak hizkuntza aberasteko denbora izanen da. Pantaila txikietarako ere bilatu app-ak euskaraz!

4. Haurrak lotara doazen unea magikoa izan daiteke. Zabaldu irudimenaren atea ipuinekin edo lotarako kantuek gordetzen duten poesiarekin. Handitzen direnean hurbildu komikien mundura, irakurzaletasunerako zubia izan daitezke.

5. Izan eredu zure seme-alabentzat eguneroko errutinetan eta euskararekiko interesa eta maitasuna adierazi…

ARG: © ERA

Etxetik kanpo…

6. Aukeratu euskarazko eskaintza aisialdiko jardueretan. Haurrek eskolaz kanpoko jarduera askotan parte hartzen dute: kirola, musika, dantza, eskulanak, antzerkia … Aisialdia tresna hobezina da eskolan eskuratutako gaitasun linguistikoak garatzeko eta, bide batez, modu informalagoak bereganatzeko.

7. Ezagutu euskarazko kultur eskaintza zabala, zure seme-alabentzat nahi adina aukera duzu-eta: antzerkia, zinema, musikalak, ipuin-kontaketak, zirkua, magia… ERAn 0-12 adin tarterako euskarazko jardueren agenda bikaina dugu! Ez egin planik bertan begiratu gabe! Kontsultatu osorik ala eskualdeka.

8. Erabili euskara zure inguruko beste familiekin eta Guraso- eta Parke-lagun ekimenetan parte-hartzera animatu.

9. Udan ez eman oporrik euskarari. Udaleku eta hiri kanpaldietan haurrek lagun berriak egiten dituzte eta, oharkabean, hizkuntza ohiturak sortu eta finkatzen dituzte.

Eta har daitekeen hauturik garrantzitsuenetakoa:

10. Euskarazko irakaskuntzan matrikulatu zure seme-alabak. Haur Eskoletan hasita, D ereduko murgiltze-linguistikoak (ikastolak eta sare publikoa) balio du gizartean dauden desoreka linguistikoak orekatzeko.

Aspalditik gatoz, urrutira goaz

CC BY-SA 4.0

 

Pribatutasun lehentasunen gunea

Beharrezko cookie-ak | Cookies imprescindibles

Ez dira IPak hartuko Analytics zerbitzuarentzat; horrela zure bisita pribatua izango da.

gdpr

Kanpo cookie-ak | Cookies externas

Beste batzuen cookie-ak erabiltzen ditugu zure nabigazioa ezagutzeko, buletinean harpidetuta bazaude edo sare sozialen bidez partekatutako elementuetan.

_ga, _gat, _gid
_ga, _gid, _gat