ARG: AlexanderDummer-Pexels
neska irribarretsua, mahaian kokatua
Etxean

EGUERDIA: indarrak berritu!

Gaueko atsedenaren ondoren goizean indarrez beteta esnatzen dira haurrak. Gero, egunaren lehen zatiko jolas, ariketa eta bizipen guztiak datoz eta, ondorioz, eguerdian gelditzeko beharra dute, bai gorputza elikatzeko baita burua lasaitzeko ere.

Une garrantsitsua da, beraz, eguerdia, ez atseden hartzeko bakarrik, baizik eta etxekoak elkarrekin egoteko tartea ere badelako. Mahaiaren bueltako une horiek elkarri gauzak kontatzeko eta elkarrekin disfrutatzeko momentuak dira. Nahiz gaur egun zaila den familia egunero elkartzea bazkalorduan, biltzeko aukera horiek une ezin hobeak izaten dira.

Kontu-kontari aritzeaz gain, batzuetan jolasteko ere probestu daitezke ordu horiek. Elikagaiekin lotutako jolasak, esaterako, oso motibagarriak dira haurrentzat, eta era berean, txikienak sukaldeko lanetan gustura hasteko bidea ere badira:

JOLAS MOTA ADIBIDEAK
Asmakizunak Pipitaki papataki, nik badakit gauza bat…
“Denek dakite irekitzen,
baina inork ez berriro ixten” (1)
Esaera barregarriak “Goizean porrusalda,
eguerdian azak,
aise kabitzen zaizkin,
ipurdian galtzak”
Aho-korapiloak “Axala-maxala mantalin,
kipula-tipula Kattalin,
kixkiti-kaxka kaxkatero,
tortila-mortila kozinero!”
Kantak Jan, jan eta jan

Jangelan

Haurrek egindako
errezeten bideoak
Bizkotxoa

Gominola naturalak

Bizitzako lehen urteetan jateko ohiturak eta hizkuntza batera ikasten dira. Bi prozesuak elkarrekin doazela erakusten digute euskarazko haur hizkeran elikagaiekin lotutako hitz bereziek: haur hiztegitxoa marrazkiekin

Beraz, txiki-txikiak direnean eta baita geroago ere, aprobetxatu eguerdiko atsedena eta on dagizuela janak eta kalterik ez edanak!

Haurrekin egiteko errezeta gehiago: Errezeta gozoak

(1) arrautza

Eguneko uneak seriea:
I GOIZA: Ohetik salto!
II EGUERDIA: Indarrak berritu
III ARRATSALDEA: Jolastera!

CC BY-SA 4.0